زایەڵە - لەسەر زانیاری ئاسایشی سلێمانی، لیژنە هاوبەشەكانی قائیمقامیەت دەست بەسەر بڕێكی زۆر برنجی ماوەبەسەرچودا دەگرن.
چوار شەممە، لەسەر زانیاری بەڕێوەبەرایەتی ئاسایش، لیژنە هاوبەشەكانی قائیمقامیەتی سلێمانی دەستیان بەسەر بڕی حەوت تۆن و (500) كیلۆگرام برنجی ماوەبەسەرچودا گرتوە كە خاوەنەكەی بەنیاز بوە دوای گۆڕینی فەردەكە و درێژكردنەوەی بەروارەكەی لەبازاڕەكانی شاری سلێمانیدا ساغیبكاتەوە.
بەفەرمانی قائیمقامی سلێمانی تەواوی برنجەكە دەستی بەسەردا گیراوە و لەلایەن لیژنەی تایبەتەوە لەناودەبرێت، هەروەها خانەوەكەشی روبەڕوی رێكاری یاسایی دەكرێتەوە.
بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
کامەران کەریم
