زایەڵە ــ ستیفانۆ پیولی ئیتالی کاردانەوەی هەبوو بەرامبەر سەرکەوتنە یەک لەدوای یەکەکانی نەسر لەوەتەی لە تیپەکەیدا.
هەڵبژاردەی تۆپی پێی نەسری ڕیاز 3-0 لە تیپی عەرەوبەی بردەوە، ئەمەش لە بەردەوامی زنجیرەی بردنەوەکانی لە خولی پرۆفشناڵی سعودیەیە، لەژێر سەرپەرشتی ستیفانۆ پیۆلی ئیتالی کە جێگەی لویس کاسترۆی پورتوگالی گرتەوە.
ستیفانۆ پیۆلی ڕاهێنەری یانەی نەسر لەبارەی نهێنی سەرکەوتنە یەک لەدوای یەکەکانی یانەکەیەوە گوتی "ئێمە هیچ نهێنییەکی شاراوەمان نییە، تەنیا ئیرادەیەکی گەورەمان هەیە و تیپێکی سەخت کار دەکات. تیپێک کە 11 یاریزانی تێدا ئامادەیە لەبواری بەرگری و هێرشبردندا.
پیۆلی گوتی "نەسر سوودی زیاتری هەیە، دەتوانین لە یارییەکانی داهاتوودا نمایشێکی باشتر پێشکەش بکات. ئێمە تیپێکی بەتوانامان هەیە و دەزانین لە یارییەکانی داهاتوودا چاوەڕێمان دەکات. پێویستە هەموو هەوڵێکی خۆمان بدەین بۆ بردنەوە. ئێمە تێکەڵەیەکی جادوویمان نییە و یاریزانەکانم بەباشی پێکەوە یاری دەکەن. من خۆشحاڵم کە سەرکردایەتی تیپێکی لەو شێوەیە دەکەم.
نەسر لە ڕیزبەندی 18 تیپی خولی پیشەگەرانی سعودیە بە 14 خاڵ پلیە سێیەمە و تیپی ئەلهیلال و ئەلتحاد هەرکامە و بە 15 خاڵ پلەی یەکەم ودووهەمی ڕیزبەندییەکەیان هەیە.
کەژاڵ حەمیدی
