زایەڵە - بەڕێوەبەرایەتیی گشتیی تەندروستیی سلێمانی: رێکاری تایبەت بۆ هەڵبژاردن دەگرینەبەر ، بۆ رۆژی دەنگدانی گشتیی 25 تیمیان لە سەنتەری شاری سلێمانی بڵاودەکرێنەوە.
سەرجەم نەخۆشخانە و سەنتەر و بەشەکانی فریاکەوتن بەشێوەی ئێشکگری کراوە دەبن لە ناو شاری سلێمانی و ئۆتۆمبێلی ئەمبوڵانسی لێدەبێت، تاوەکو پرۆسەی دەنگدان تەواو دەبێت و تیمی تەندروستی ئامادە دەبن لەناو مەڵبەندە تەندروستییە (24) کاتژمێرییە ئێشکگرەکان.
لەکاتی روودانی هەر حاڵەتێکی کتوپڕی تەندروستی و هەر رووداوێک دەتوانن پەیوەندی بکەن بە فریاکەوتنی خێرای تەندروستیی ژمارە 122.
کامەران کەریم
