زایەڵە - لە سنووری قەزای کۆیە بەھۆی ڕووداوێکی ھاتوچۆ منداڵێك گیانی لە دەست دا و سێ ھاووڵاتی دیكەیش بەسەختی بریندار بوون.
ھاوکار عەلی، گوتەبێژی بەڕێوەبەرایەتیی تەندروستیی کۆیە:ڕووداوەکە لەسەر ڕێگەی تەقتەق بۆ کۆیە ڕووی داوە، کە لەجۆری پێکدادان بووە لەنێوان ئۆتۆمبیلێکی بارھەڵگر و ئۆتۆمبیلێکی تۆیۆتا ھیلۆکس بووە."
بەھۆی ڕووداوەکەوە سێ ھاووڵاتی بەسەختی بریندار بوون و بۆ چارەسەر ڕەوانەی نەخۆشخانەی فریاکەوتنی ھەولێر کراون."
دواى گەیاندنیان بۆ نەخۆشخانە و بەهۆى سەختى برینەکەیەوە منداڵێکى تەمەن ٩ ساڵان بەناوى (باوان بڕیار ) گیانی لەدەست داوە.
کامەران کەریم
