زایەڵە ـ له ڕاگه‌یه‌ندراوێكدا وه‌زاره‌تی كشتوكاڵ و سه‌رچاوه‌كانی ئاوی حكومه‌تی هه‌رێمی كوردستان ڕایگه‌یاند، به‌گوێره‌ی بڕیاره‌كه‌ی حكومه‌تی فیدراڵ، ئه‌مساڵ له‌سه‌ر ئاستی ته‌واوی عێراق 3 ملیۆن و 600 هه‌زار تۆن گه‌نم وه‌رده‌گیرێت کە 400 هه‌زار تۆن بۆ به‌شی هه‌رێمی كوردستان دیاریكراوه و به‌راورد به ساڵی رابردوو كه بڕی گه‌نمی وه‌رگیراو 700 هه‌زار تۆن بوو، بۆ ساڵی داهاتوو 300 هه‌زار ته‌ن كه‌م كراوه‌ته‌وه.
بە پێی ڕاگه‌یه‌ندراوه‌كه، هۆكاری ئه‌و كه‌مكردنه‌وه‌یه‌ش له وه‌رگرتنی گه‌نم، له‌به‌ر کێشەی بودجە و مانه‌وه‌ی پاره‌ی جووتیارانی عێراق و هه‌رێمه لای حكومه‌ت، كه تا ئێستاش 903 ملیار دینار لای ماوه‌ته‌وه و هێشتا خه‌رج نه‌كراوه.
حكومه‌تی عێراق بڕیاریداوە ڕێژه‌ی وه‌رگرتنی گه‌نمی جووتیاران بۆ ساڵی 2024/2025 بۆ نزیكه‌ی له 50% كه‌م بكاته‌وه و بۆ هه‌ر ته‌نێكیش بڕی 850 هه‌زار دیناری دیاری كرد.
کامەران کەریم
