زایەڵە ـــ یاریزانانی لاوانی پاراتیکواندۆی ئێران بە بردنەوەی 8 مەدالیای ڕەنگاوڕەنگ و نازناوی پاڵەوانێتییەکە کۆتاییان بە کاری خۆیان هێنا.
ڕۆژی هەینی 30 تشرینی دووەم پاڵەوانێتی نێودەوڵەتی پارا تایکواندۆی بەحرەین بە بەشداری 56 یاریزانی تایکواندۆی 15 وڵات لە مەنامە بەڕێوەچوو و لە کۆتایی پاڵەوانێتییەکەدا هەڵبژاردەی لاوانی وڵاتی ئێران کە خۆی ئامادە دەکات بۆ بەشداریکردن لە یارییەکانی پارا ئاسیای لاوانی تاشکەنددا، 5 مەدالیای زێڕ و 3 برۆنز و نازناوی پاڵەوانی ئەم پاڵەوانێتییانەیان بەدەستهێنا.
هەڵبژاردەی نیشتمانی پاراتایکواندۆی لاوانی گروپی کوڕان لەلایەن عەلی کەریمی سابیر وەک ڕاهێنەری سەرەکی و مەهدی پورڕەهنەما وەک ڕاهێنەر سەرپەرشتی دەکرێت و لەگروپی کچاندا زەهرا حوسێنی ڕاهێنەری سەرەکییە و مێهری شەعبانی ڕاهێنەری یانەکەیە. هەروەها جەمشید سۆهرابی وەک سەرپەرشتیار و خەیروڵڵا قولی زادە وەک پزیشک یاوەری تیمەکه دەکەن.
