زایەڵە- تیمی کوردستانی رێكخراوی (CPT) ڕایگەیاند، سوپای تورکیا ئەمڕ 13 هێرشی ئاسمانی بۆسەر بە شێک لە گوندەکانی سێ پارێزگای هەرێمی کوردستان ئەنجامدا، دەشڵێت، "هێرشەكان لە کاتژمێر 10:00ی سەر لەبەیانییەوە تاوەکو کاتژمێر 2:00ی دوانیوەڕۆ بوە".

 كامەران عوسمان، ئەندامی تیمی کوردستانی رێكخراوی (CPT) ئەمڕۆ هەینی لە ڕاگەیاندراوێكدا بڵاویكردەوە، سوپای تورکیا ئەمڕۆ هێرشی ئاسمانی زنجیرەیی بۆ سەر بە شێک لە گوندەکانی سێ پارێزگای هەرێمی کوردستان ئەنجامدا.

 ئاماژەی بەوەشكرد، سوپای تورکیا 13 جار چیای مەتینا و گارا و گەلی ڕەشاڤای لە پارێزگای دهۆک، چیاکانی خواکوڕک و خنێرە لە پارێزگای هەولێر و ناوچەی مەنگوڕایەتی و بناری قەندیلی لە پارێزگای سلێمانی بۆردومانکرد.

 بەگوێرەی ڕاگەیەندراوەكە، هێرشەكانی سوپای توركیا لە کاتژمێر 10:00ی سەر لەبەیانییەوە تاوەکو کاتژمێر 2:00ی دوانیوەڕۆ بەردەوام بوە.

كامەران عوسمان باسی لەوەشكرد، بۆردومانەکان بونە مایەی ترس و دڵەڕاوکێی هاوڵاتییانی مەدەنی، بەڵام هیچ هاوڵاتییەک شەهید یاخود بریندارنەبون.

ک