زایەڵە ـــ لە راپۆرتێکدا ڕۆژنامەی ئاسی ئیسپانی بەڵێنی دا گواردیۆلا شێوازێکی نوێ لە لاکێشەی سەوز دروست دەکات.
"گواردیۆلیسمۆ شێواز دەگۆڕێت"، شیکردنەوەی ڕۆژنامەی ئیسپانی ئایس ئەمڕۆ چوارشەممە بۆ شکستە یەک لەدوای یەکەکانی سیتی لەژێر سەرپەرشتی راهێنەری پێشووی بەرسەلۆنە.
گواردیۆلا لە دوایین 11 یارییدا لەگەڵ سیتی 8 جار دۆڕاندوویە و خراپترین ئاماری لە مێژووی ڕاهێنەرایەتییدا تۆمارکردووە.
گواردیۆلا لە ساڵی 2016 ەوە سەرپەرشتی سیتی دەکات و لەم ماوەیەدا 18 نازناوی بردووەتەوە، کە زیاترە لە هەموو ئەو خەڵاتانەی لە مێژووی یانەکەدا هەیە.
بەڵام لەم ڕۆژانەدا، سیتی بە ئەنجامی خراپ بووەتە بابەتی یەکەمی میدیا وەرزشییەکانی جیهان.
ئاس دەنووسێت، گواردیۆلا خەریکی وێرانکردنی سیستەمە بێهاوتاکەی خۆی و ئەنجامی گۆڕانکارییە "وێرانکردنی کەنیسەی نۆتردام بیرمان دەخاتەوە کە دوای 800 ساڵ بەتەواوی وێران بوو و دووبارە دروستکرایەوە."
بەگوێرەی راپۆرتی میدیاکانی مەدرید، هیچ هەژموونێک بەردەوام نابێت و گواردیۆلا دوای دە ساڵ لە سەردەمی زێڕین شکستی هێناوە و دەیەوێت بینایەکی نوێ لە تۆپی پێ وەک بینای نوێی نۆتردام دروست بکات.
