زایەڵە ــ ئا. ئێسی ئیسپانیا بڵاویکردەوە کە زیدان چاوەڕێی ئۆفەرێکە بۆ گەڕانەوە بۆ نێو دنیای ڕاهێنەرایەتی.
1316 ڕۆژ بەسەر ماڵئاوایی زیدان لە ڕیال مەدرید تێدەپەڕێت! لەو کاتەوە زیدان پێشنیاری ڕاهێنەری مانچستەر یونایتد و یوڤێنتوس و پارسی ڕەتکردووەتەوە. ئەو دەیویست جێگەی دشان بگرێتەوە لە هەڵبژاردەی فەرەنسا، بەڵام ئەوە ڕووی نەدا، و دشان تا کۆتایی یۆرۆ سەرکردایەتی تیپی نەتەوەیی فەڕنسە دەکات.
ئا.ئێس، نووسیویەتی کە زیدان ئێستا لە مەدریدە و چاوه ڕێی ئۆفرێکی گونجاو دەکات بۆ گەڕانەوە بۆ جیهانی تۆپی پێ ئۆفەرێک کە پرۆژەیەکی بەرزخوازە و دەیگەڕێنێتەوە بۆ هێڵی ڕاهێنەرایەتی.
زیدان لە ماوەی 4 ساڵی سەرکردایەتیکردنی ڕیال مەدریددا سەرکەوتنێکی گەورەی تۆمارکرد. ئەو 3 جار لەسەر یەک بوو بە پاڵەوانی لیگی ئەورووپا و توانی 2 جار لە 2 وەرزدا لالیگا بباتەوە.
