زایەڵە ـــ سەرۆکی یانەی بەرشلۆنه بەنیازه عەرەبەکانی کەنداوی فارس بدۆشێتەوە بۆ ئەوەی له قەیرانی دارایی ڕزگاری بێت.
"لاپۆرتا پەیوەندی بە عەرەبە دەوڵەمەندەکانەوە دەکات بۆ ئەوەی لەو قەیرانە دەربچێت"، ئەم ڕاپۆرتە ئەمڕۆ لە ڕۆژنامەی وەرزشی کەتەلۆنیدا بڵاوکراوەتەوە.
لاپۆرتا دەیەوێت 200 ملیۆن یۆرۆ داهات بەدەست بهێنێت لە ڕێگەی فرۆشتنی پێشوەختی بلیتی VIP بۆ کامپی نوێ بە عەرەبەکان.
یانەی بەرشلۆنه بە هۆی قەیرانی دارایەوه له ڕووی خەرجی و داهاتەوە ڕووبەڕووی قەیرانی گەورە بووەتەوە بە تایبەت لە بارەی گرێبەستی چەند ئەستێرەیەک لەوانە دانی ئۆڵمۆ.
گۆڤاری سپۆرت دەنووسێت کە لاپۆرتا پەیوەندی بە عەرەبە دەوڵەمەندەکانی کەنداو کردووە بۆ دەربازبوون لەو قەیرانە داراییە بۆ ئەوەی گرێبەستی ئۆلمۆ و پاو ڤیکتۆر تۆمار بکات.
بەگوێرەی میدیای ئیسپانیا، سەرۆکی بەرشەلۆنە دەیەوێت زیاتر لە "70٪ی پێگە تایبەتەکان" بە "گرێبەستێکی درێژخایەنی 10 ساڵە" بە شێوازی پێشوەخت بە عەرەبەکان بفرۆشێت.
