زایەڵە - وەفدێکی یەکێتی سەردانی کونسوڵخانەی گشتی کۆماری ئیسلامی ئێران لە هەولێر دەکات.
د. مجید حمدامین ئەندامی سەرکردایەتی یەکێتی ولێپرسراوی مەڵبەندی٣ی هەولێر لەگەڵ جێگرولێپرسراوی بەشی پەیوەندیەکانی مەڵبەند پێشنیوەڕۆی یەکشەممە ٢٠٢٥/١/٥ سەردانی کونسولخانەی گشتی کۆماری ئیسلامی ئێران-یان کرد بەمەبەستی پیرۆزبایی لە فەرامەرز ئەسەدی بەبۆنەی دەست بەکاربوونی وەکو سەرکونسولی گشتی کۆماری ئیسلامی ئێران لە هەولێر .
لەدیدارێکدا وێڕای بەخێرهێنان و پیرۆزبایی د.مجید حمدامین لێپرسراوی مەڵبەندی٣ی هەولێری ی.ن.ک پەیامی پیرۆزبایی یەکێتی و مەڵبەندی ٣ی هەولێری بە سەرکونسولی گشتی کۆماری ئیسلامی ئێران ڕاگەیاند و هیوای سەرکەوتنی بۆخواست لەپۆستی تازەی.
لەبەرامبەردا سەرکونسولی گشتی کۆماری ئیسلامی ئێران دوای سوپاس و خۆشحاڵی، پەیوەندی لەمێژینەی نێوان کۆماری ئیسلامی و ی.ن.ک بەگرنگەوە وەسف کردو ڕۆڵی خوالێخۆشبێ سەرۆک مام جەلال ی بەرزنرخاند لەسیاسەتی حەکیمانەو دیپلۆماسیانە،کە لەناوچەکە ڕۆڵی سەرەکی هەبوو لەبەرقەرارکردنی ئاشتی وتەبایی و پێکەوە ژیان .
