زایەڵە ـــ یەکێتی تۆپی پێی ئاسیا 3 شاری میوانداری جامی ئاسیای 2027ی سعودیە ڕاگەیاند.
ماڵپەڕی یەکێتی تۆپی پێی ئاسیا بڵاویکردووەتەوە کە 3 شاری ریاز و جددە و خوبار وەک میوانداریی فەرمی جامی ئاسیای 2027 دەستنیشان کراون.
بەگوێرەی یەکێتی تۆپی پێی ئاسیا ئەو یاریگایانەی میوانداریی ئەم پاڵەوانێتییە گەورەیەی تۆپی پێ دەکەن لە ریاز بریتین لە: یاریگای شا فەهد، یاریگای زانکۆی شا سعود، یاریگای زانکۆی محەمەد بن سعود، یاریگای ئەلشادە و یاریگای ئەلشەباب.
یاریگای شا عەبدوڵڵا و ئەمیر ئەلفەیسەڵ لە جددە میوانداریی جامی ئاسیا دەکەن.
لە شاری خوبار، یاریگایەکی پڕ پێداویستی بۆ میوانداریکردنی پاڵەوانێتییەکە پلانی بۆ دانراوە.
