زایەڵە - توێژینەوەیەکی نوێ دەریخستووە، کە نەخەوتنی پێویست ئەگەری تێکچوونی بۆرییە بچووکەکانی خوێن لە چاو و گورچیلەدا زیاد دەکات لەو کەسانەی کە نەخۆشی شەکرەی جۆری دوویان هەیە.
بەگوێرەی ماڵپەڕی نیو ئەتڵەس، نەخۆشییە بچووکەکانی خوێنبەرەکان کاریگەری لەسەر بۆرییە بچووکەکانی خوێن دەبێت، بەتایبەتی لە گورچیلە و چاوەکاندا، هەروەها کێشەیەکی باوی نەخۆشی شەکرەیە.
نەخۆشییە بچووکەکانی خوێنبەرەکان پەیوەندییان بە هۆکارەکانی مەترسی جەستەییەوە هەیە وەک قەڵەوی، بەرزە پەستانی خوێن، ناچالاکی جەستەیی و خراپی کۆنترۆڵکردنی شەکری خوێن، توێژینەوە نوێیەکە لەلایەن زانایانی نەخۆشخانەی زانکۆی ئۆدێنس لە دانیمارک ئەنجامدراوە، هۆکارێکی دیکەی مەترسی تووشبوون بە نەخۆشییە بچووکەکانی خوێنبەرەکان لە کەسانی تووشبوو بە نەخۆشی شەکرەی جۆری دوو دەستنیشانکردووە، ئەویش خەوتن، بەتایبەتی زۆر یان کەم خەوتن.
توێژەران دەڵێن: "لەو نەخۆشانەی کە تووشی شەکرەی جۆری دووەم بوون، خەوتنی زۆر کورت و زۆر درێژ پەیوەندییان بە بڵاوبوونەوەی زیاتری نەخۆشییە بچووکەکانی خوێنبەرەکانەوە هەبووە، بە بەراورد بە ماوەی گونجاوی خەوی شەوانە".
ئاماژەیان بەوەشکردووە، تەمەن پەیوەندی نێوان ماوەی کورتی خەو و نەخۆشی وردە خوێنبەرەکان زیاتر دەکات، ئەمەش ئاماژەیە بۆ زیادبوونی لاوازی لە کاتی هەڵکشانی تەمەندا.
ک