زایەڵە - لەسەر ئەرکی کونسوڵخانەی کۆماری ئیسلامی ئێران، ڕێوڕەسمێکی تایبەت بۆ ڕێزگرتن لە خوێندکارە یەکەمەکانی زمان و ئەدەبی فارسی لە زانکۆی سلێمانی بەڕێوەچوو.
دووشەممە، ١٧ی شوباتی ٢٠٢٥بە ئامادەبوونی هەڤاڵ ئەبوبەکر پارێزگاری سلێمانی و کارگێڕانی باڵای زانکۆی سلێمانی لە کونسوڵخانەی گشتی کۆماری ئیسلامی ئێران، بەرنامەیەکی تایبەت بۆ ناساندنی خوێندکارانی نمونەیی و سەرکەوتووی زمان و ئەدەبی فارسی لە زانکۆی سلێمانی بەڕێوەچوو.
دوکتۆر هەڤاڵ ئەبوبەکر پارێزگاری سلێمانی و دکتۆر مەحمودیان کونسوڵی گشتیی ئێران پیرۆزبایی لە قوتابیانی ئامادەبوو بە بۆنەی سەرکەوتوویی تەواوکردنی خوێندنی باڵایان کرد و جەختیان لەسەر پێویستی و گرنگی فێربوون و ئاشنابوون بە کولتوور و زمانی دوو وڵات کردەوە وە لێکچوون و نزیکایەتی زمانەوانی و کولتووری و مێژوویی نێوان خەڵکی ئەم دوو ناوچەیەیان بە بەرچاو دەزانی.
لەم ڕێوڕەسمەدا خوێندکاران دەق و شیعری ئەدەبی بە زمانی فارسی پێشکەش کرد، هەروەها تابلۆی ڕێزلێنان و خەڵاتی تایبەتیان لە کونسوڵی گشتی و پارێزگار و کارگێڕانی باڵای زانکۆی نیشتمانیی سلێمانی لە عێراق وەرگرت.