زایەڵە-دەستپێکردنی رۆژەکەت بە کوپێکی گەرمی چای گیایی دەتوانێت چێژبەخش بێت و تەندروستی بەرز بکاتەوە بە پێچەوانەی خواردنەوە کافاینییەکان کە رەنگە تەنها بۆ ماوەیەکی کاتی وزەت زیاد بکات.
بەپێ ئەوەی لە ماڵپەڕی "الیوم السابعـ"ـدا هاتووە، لێرەدا سوودەکانی خواردنەوەی چا جیاوازەکان لەسەر گەدەی بەتاڵ دەخەینە روو:
١. چای زەنجەفیل بە تایبەتمەندییە بەهێزەکانی هەرسکردن ناسراوە، هەروەها خواردنەوەی لە بەیانیاندا وەک یەکەم شت دەتوانێت یارمەتی هاندانی کۆئەندامی هەرست بدات، ئەمەش یارمەتیدەرە بۆ نەهێشتنی سکچوون و باشترکردنی تەندروستی گشتی ریخۆڵە.
٢. توێژینەوەکان دەریانخستووە کە زەنجەفیل دەتوانێت توانای جەستە بۆ هەرسکردنی خۆراک بەرز بکاتەوە، ماددە خۆراکیەکانی ناوی وا دەکات سەرەتایەکی باش بێت بۆ رۆژەکەت.
٣. چای سەوز، چای سەوز دەوڵەمەندە بە دژە ئۆکسێنەرێک کە پێی دەوترێت کاتێچین، هەڵبژاردەیەکی نایاب و باشە بۆ دەستپێکردنی رۆژەکەت، ئەم دژە ئۆکسێنەرانە یارمەتی بەرەنگاربوونەوەی فشاری ئۆکسجین دەدات و ئەگەری تووشبوون بە نەخۆشییە درێژخایەنەکان کەمدەکاتەوە.
٤. چای نەعنا، چای نەعنانەک هەر بە تامە فێنکەکەی ناسراوە، بەڵکو سوودی هەیە بۆ تەندروستی هەرسکردن، ئەم چایە گیاییە دەتوانێت یارمەتی هێورکردنەوەی کێشەکانی هەرس بدات وەک ئاوسانی سک و هەرس نەکردن، ئەمەش وایکردووە ببێتە هەڵبژاردەیەکی گونجاو لە بەیانیاندا.
ک