زایەڵە - فەرماندەی هێزەکانی سوریای دیموکرات ڕایگەیاند، ئەگەر لە تورکیا ئاشتی بەدیهات، ئەوە مانای ئەوەیە هیچ پاساوێک نییە بۆ بەردەوامبوونی هێرشەکان بۆ سەر ئێمە لە سوریا گوتیشی؛ پەیامەکەی ئۆجەلان ئەرێنییە.
دوای بڵاوکردنەوەی پەیامەکەی عەبدوڵڵا ئۆجەلان ڕێبەری زیندانیکراوی پەکەکە، مەزلوم عەبدی فەرماندەی هێزەکانی سوریای دیموکرات ڕایگەیاند، پەیامەکەی عەبدوڵڵا ئۆجەلان تەنیا پەیوەندی بە پارتی کرێکارانی کوردستانەوە هەیە و هیچ پەیوەندییەکی بە ئێمەوە نییە لە سووریا.
ئاماژەی بەوەشکرد، "پەیامەکەی ئەرێنییە، چونکە داوای کۆتاییهێنان بە شەڕ و دەستپێکردنی پرۆسەیەکی سیاسی ئاشتیانە لەناو تورکیادا دەکات".
ڕۆژی پێنجشەممە 27-02-2025 عەبدوڵڵا ئۆجەلان، ڕێبەری زیندانیکراوی پەکەکە لە نامەیەکدا داوای لەپەکەکە کرد چەک دابنێن و خۆیان هەڵبوەشێننەوە، گوتیشی؛ بەرپرسیارێتیی مێژوویی چەکدانان دەخەمە ئەستۆی خۆم.
ک