زایەڵە ـــ به بۆنەی دەستنیشانکردنی کرماشان وەک پایتەختی شاره ڕۆشنبیرییەکانی ئاسیا، لەو شارەدا مەراسیمێکی گەورە بەڕێوەدەچێت
ئیمان درەخشی سەرۆکی ڕێکخراوەی کەلتووری، کۆمەڵایەتی و وەرزشی شارەوانی کرماشان ڕایگەیاند: بەهۆی دەوڵەمەندی کەلتوور و مێژووی کرماشان و هەروەها جێبەجێکردنی پرۆگرامی کەلتووری شکۆدار، لەلایەن ڕێکخراوی ڕۆشنبیری و کۆمەڵایەتی و وەرزشی شارەوانی کرماشان لە ساڵی ڕابردوودا، کۆمەڵەی شارەوانییەکانی ئاسیا، پارێزگای کرماشانی وەک پایتەختی ڕۆشنبیری شارەکانی ئاسیا بۆ ساڵی 2025 دەستنیشان کرد.
وتیشی: ئەم هەڵبژاردنە لەگەڵ خۆشحاڵی خەڵکی شەرەفمەندی کرماشان بوو، کە دەتوانێت یارمەتیدەر بێت بۆ ناساندنی زیاتری ئەم شارە و هەروەها لە گەشەی گەشتیاریدا ڕۆڵێکی گرنگی هەبێت.
سه رۆکی ڕێکخراوی ڕۆشنبیری و کۆمەڵایەتی و وەرزشی شارەوانی کرماشان ڕایگه یاند: لەوبارەیەو و به پێی فەرمانی دکتۆر نوروزی قایمقامی به ڕێزی کرماشان بڕیاره له شاری کرماشان ڕێوڕەسمی چێژنێکی گەورە بەڕێوەبچێت.
درەخشی ئاماژەی بەوەشکرد کە لەم مەراسیمەدا واژۆی شاری داهێنەری خۆراک و پایتەختی ڕۆشنبیری شارەکانی ئاسیا، پەردەی لەسەر لادەبرێت
درەخشی وتی: ئەم ئاهەنگە رۆژی چوارشەممە 12ی ئازار کاتژمێر 15:30 خولەک لە پارکی ڕۆژهەڵاتی شاری کرماشان بەڕێوە دەچێت.
لە کۆتاییدا ناوبراو بانگهێشتی جەماوەری کرد بۆ ئامادەبوون لەو ڕێوڕەسمە مەزنەدا و گوتی: حامد تاریپوور گۆرانیبێژی کۆتایی زنجیرەی نون خ، گروپی کاکە، ئەکتەرە دیارەکانی سینەمای وڵات لەوانە، یوسف کەرەمی، کازم نووربخش، سەید حوسێن موسەوی، سیروس سپهری، بروومەند کازمی، ڕەزا ڕەشیدی، کیانا سپهری و ئەکرەم یەدی، لەو ڕێوڕەسمەدا دەبنە میوانی خەڵکی شەڕەفمەندی کرماشان.