زایەڵە - "مەلەک عەلا"، منداڵێکی سووری، لەگەڵ خوشکە بچووکەکەی و دایک و باوکی و خوشک و براکانی لەلایەن تیرۆریستانی تەحریر شامەوە شەهیدکرا.
وێنە و گرتە ڤیدیۆییەکان کە لە سوریاوە لە سۆشیال میدیا بڵاودەکرێنەوە، قووڵایی دڕندەیی توخمە تەکفیرییەکانی سەر بە حکومەتی جۆلانی ئاشکرا دەکەن.
چالاکوانانی سۆشیاڵ میدیا ئاشکرایان کرد کە توخمە تەکفیرییەکانی تەحریر شام کە سەر بە حکومەتی جۆلانی بوون، لە تاوانێکی دڕندانەدا، منداڵە سوورییەکە "مەلەک عەلا"یان لەگەڵ خوشکە بچووکەکەی و دایک و باوکی بە شێوەیەکی دڕندانە کوشتووە دوای ئەوەی لە ئۆتۆمبێلەکە دەریانهێناون.
سەرچاوە سوورییەکان باسیان لە کوژرانی ٣٠ دانیشتووی گوندی ئەلباشا کردووە لە تاوانێکی نوێدا لەلایەن توخمەکانی جۆلانییەوە، هەروەها ڕایانگەیاند کە ژمارەی قوربانیانی مەدەنی گەیشتووەتە زیاتر لە ٥٠٠ کەس.
پێکدادان و ئاڵۆزییەکان لە سوریا ڕۆژی پێنجشەممە ٦ی ئازار لە پارێزگای لازقییە لە کەناراوەکانی سوریا توندتر بوون، دوای ئەوەی هێزەکانی سەر بە حکومەتی نوێ هێرشیان کردە سەر ناوچە عەلەوییەکانی ئەو پارێزگایە بە بیانووی ڕووبەڕووبوونەوە و دەستگیرکردنی ئەوەی کە پێی دەڵێن پاشماوەی ڕژێمی پێشوو.
ئاژانسی هەواڵی ئەمریکی ئەسۆشێتد پرێس لەسەر ئەمە بڵاویکردەوە: کوشتنی عەلەوییەکان و تاڵانکردنی موڵک و ماڵی ئەوان لە کەناراوەکانی سوریا (لە هێرشە بەردەوامەکانی هێزەکانی حکومەتی جۆلانی) بەردەوامە.