زایەڵە - بەڕێوەبەرایەتی پۆلیسی پارێزگای هەڵەبجە ڕایدەگەیەنێت، لەسەر سكاڵای كەسوكاری شەهیدان، ئەو كەسەی لە تۆڕە كۆمەڵایەەتییەكان سوكایەتی بە ساڵیادی كیمیابارانی شارەكە كرد، دەستگیركرا.
بەڕێوەبەرایەتی پۆلیسی پارێزگای هەڵەبجە لە ڕاگەیەنراوێكدا ئاماژەی بەوەكردووە، لەلایەن یەکێک لە تاقانەکانی شەهیدانی کیمیابارانی هەڵەبجە سکاڵا تۆمارکرا لەسەر کەسێک بەناوی “زانا ڕووف عبداللە” لەسەر ئەوەی لە تۆڕە کۆمەڵایەتیەکاندا سوکایەتی بەساڵیادی کیمابارانکردنی شارەکە و ناردنی ڕەحمەت بۆ صدام حسێن-ی دیکتاتۆر و ئەنجامدەری تاوانی کیمیابارانکردنی شارەکە كردووە.
ڕاشیگەیاندووە، بەبڕیاری دادوەری لێکۆڵینەوەی هەڵەبجە بەمادەی ۲ی خراپ بەکارهێنانی ئامێرەکانی پەیوەندی تۆمەتباری ناوبراو دانیشتوی پارێزگای سلێمانی تەمەن ۳٦ ساڵ لەلایەن بەڕێوەبەرایەتی ئاسایشی شارەزورەوە دەستگیرکراوە.
ئاشكراشی كردووە، تۆمەتبار ڕادەستی بەڕێوەبەرایەتیمان کرا و لەئێستادا ڕاگیراوە و لێکۆڵینەوەکان بەردەوامە.
ک