زایەڵە-لەوتووێژی لەگەڵ پەیامنێری زایەڵە، دڵشاد میرانی نوێنەری مامۆستایانی ناڕازی ڕایگەیاند، کە سکاڵا و بەڵگە دیکۆمێنتارییەکانیان سەبارەت بە دزینی نەوتی بەقاچاخ لە هەرێمی کوردستان، لە عێراق جێگای خۆی گرتووە و بڕیار لەسەر دانانی عەداد لە سەرجەم کێڵگە نەوتییەکانی هەرێم دراوە.
میرانی وتیشی، سکاڵاو بەڵگە دیکۆمێنتاریەکانمان بۆ عێراق لەسەر دزینی نەوتی بە قاچاخ جێگای خۆی گرت و بڕیار لەسەر دانانی عەداد لەسەرجەم کێڵگەنەوتیەکانی هەرێم درا.
ئەم هەنگاوە گرنگە دوای ماوەیەک لە ناڕەزایەتی مامۆستایان هاتووە کە داوای شەفافیەتی زیاتریان لە داهاتی نەوتی هەرێمی کوردستان کردووە.
لە ماوەی ڕابردوودا، مامۆستایانی ناڕازی چەندین بەڵگەیان لەسەر بەقاچاخ بردنی نەوت و نەگەڕانەوەی داهاتەکەی بۆ خەزێنەی گشتی پێشکەش کردووە.
دانانی عەداد لەسەر کێڵگە نەوتییەکان هەنگاوێکی گرنگە بەرەو شەفافیەتی زیاتر لە کەرتی نەوت و چاودێریکردنی بڕی بەرهەمهێنان و هەناردەکردنی نەوتی هەرێمی کوردستان، کە پێشتر یەکێک لە خاڵە جەنجاڵییەکانی نێوان هەرێم و حکومەتی ناوەندی بووە.
چاوەڕوان دەکرێت بەم هەنگاوە، بارودۆخی دارایی هەرێمی کوردستان و شەفافیەت لە داهاتی نەوت باشتر بێت، کە دەکرێت کاریگەری ئەرێنی لەسەر پێدانی مووچەی فەرمانبەران و مامۆستایان هەبێت کە چەندین مانگە دواکەوتووە.
ک