زایەڵە-تیمی دانوستانکاری یەکێتی و پارتی، گەیشتن بە ڕێککەوتن لەسەر رەشنوسی پرۆژەیەکی هاوبەش بۆ پێکهێنانی کابینەی دەیەمی حکومەتی هەرێم.
ڕۆژی ١٨ی ئادار، شاندی باڵای دانوستانکاری پارتی و یەکێتیی لە بارەگای مەکتەبی سیاسی یەکێتی لە هەولێر، کۆبوونەوەیەکییان ئەنجامدا.
بەپێی ڕاگەیاندنی هاوبەشی ئەو دوو حیزبە کۆبونەوەکەیان ئەرێنی بووە و گەیشتونەتە دواڕەشنوسی دیدگای هاوبەش بۆ قۆناغی داهاتوو، کە دەبێتە ئامرازێک بۆ پێکهێنانی حکومەت و دامەزراوەکانی تر و باشتر خزمەتکردنی هاوڵاتیان.
بەپێی زانیارییەکانی زایەڵە، لە کۆبووەکەدا بڕیاردراوە بە ئەنجامدانی کۆبونەوەیەکی دیکە لەسەردابەشکردنی پۆستەکانی کابینەی دەیەم و بڕیارە کۆبوونەوەکە دوای کۆتایی هاتنی پشووەکانی جەژنی رەمەزان ئەنجام بدرێت.
بەپێی زانیارییەکان، دوای کۆبونەوەکەی پارتی و یەکێتی، راستەوخۆ دەست دەکرێت بە ئامادەکاری بۆ کۆبونەوەی پەرلەمانی کوردستان و هەڵبژاردنی دەستەی سەرۆکایەتی پەرلەمان وپاشان راسپاردنی سەرۆکی حکومەت بۆ پێکهێنانی کابینەی دەیەم.
بەپێی ناوەڕۆکی ڕێککەوتنی پارتی و یەکێتی، سەرۆکی حکومەت لە ماوەی کەمتر لە سی ڕۆژ پێکهاتەی کابینەکەی پێشکەش بە پەرلەمان دەکات بۆئەوەی متمانەیان پێبدرێت.
بەپێی زانیارییەکان، سەرجەم ئامادەکارییەکانی پارتی و یەکێتی بۆ پێکهێنانی کابینەی دەیەم دوو مانگ زیاتری پێدەچێت و متمانە بەخشین بە کابینەی دەیەم دەکەوێتە کۆتایی مانگی ئایار یاخود سەرەتای مانگی حوزەیران.
ک