زایەڵە-بەبڕیارێکی وەزارەتی دارایی حکومەتی هەرێم، پارەی مووچەی فەرمانبەرانی پارێزگای سلێمانی و هەڵەبجە لە لقی سلێمانی بانکی ناوەندی هەرێمەوە گوازرایەوە بۆ بانکی ئاشتی لە سلێمانی. بڕیارەکە لە مووچەی مانگی دووەوە کاری پێکرا.
بەپێی زانیارییەکان، وەزارەتی دارایی حکومەتی هەرێم لە بانکی هەرێم نیگەرانە، چونکە لە ماوەی ڕابردوو دەستکاری پارەی خەڵک لەو بانکە کراوەو بۆ مووچە بەکار هێنراوە و بووەتە هۆی نەمانی متمانەی هاوڵاتیان و سەرمایەداران بە بانکە حکومییەکان. ئەمەش بووەتە هۆی ئەوەی لە زۆرکاتدا بەهۆی دەستکاری و بەکارهێنانی پارەکانیان بۆ مووچەی و خەرجی تر نەیانتوانیوە پارەی خۆیان لە بانکەکە ڕابکێشن.
گواستنەوەی پارەی مووچە بۆ بانکی ئاشتی بە ئامانجی ئەوەیە هیچ پارەیەکی تر بەپاساوی مووچە لە بانکەکان دەستکاری نەکرێت و پارەی مووچە لە بانکی هەرێم نەمێنێت تا لەگەڵ خەرخی و پارەی تر تێکەڵی ڕوونەدات.
بەپێی زانیارییەکان، لقی سلێمانی بانکی ناوەندی هەرێم بیانویان ئەوە بووە کە پێشتر ناچار بوون کورتهێنانی مووچە و کێشەی کەمی سیولە بەو شێوەیە لەکاتی مووچە چارەسەر بکەن و دواتر قەرەبوو کراوەتەوە.
پێشتر لەکاتی ناردنی پارە بۆ هەرێم لەلایەن بەغداوە ڕاستەوخۆ بەشی مووچەی سنوری سلێمانی و هەڵەبجە دەگوازرایەوە بۆ بانکی ناوەندی هەرێم لقی سلێمانی و لەو بانکەوە پارە بەسەر بانکە حکومیەکان دابەش دەکرا.
کێشەی وەزارەتی دارایی لەگەڵ لقی سلێمانی بانکی هەرێم بۆ پێشتر دەگەڕێتەوە کە لە مانگی شوباتی ۲۰۲۲ وەزیری دارایی هەرێم بەڕێوەبەری بانکەکەی دوورخستەوە، بەڵام بە پشتیوانی یەکێتی بەڕێوەبەرەکە پابەند نەبوو و بەردەوام بوو لە کارەکانی تا لە مانگی تەمووزی هەمان ساڵ بەڕێکەوتن لەگەڵ یەکێتی بەڕێوەبەرێکی نوێ دانرا.
ک