زایەڵە - عومەرگوڵپی ئەندامی پەرلەمانی کوردستان لەفراکسیۆنی کۆمەڵی دادگەری لە وتووێژی لەگەڵ پەیامنێری زایەڵە, ڕایگەیاند، وەک لە وێنەکەدا دیارە، بەبێ ڕەچاوکردنی ئاستی بژێوی ژیان، بە تەنها ئەژمارکردنی نرخی کارەبا، ئەو نرخە بازرگانیانەی دەیانەوێت بەناوی کارەبای ٢٤ کاتژمێری بەسەر هاووڵاتیاندا بیسەپێنن، بەراورد بە (١٨) وڵاتی دەوروبەر، گرانترینن،بۆ کەمترین ئاستی بەکارهێنان، واتە تەنها (٤٥٠ کیلۆ وات)، نرخی کارەبای پڕۆژەی ڕووناکی کە بە (١٠٠ دینار) دەست پێدەکات، گرانترە لە نرخی کارەبا لە وڵاتانی (ئێران، سودان، عێراق، میسر، سوریا، عومان، قەتەر، تورکیا، کوەیت، بەحرەین، مالیزیا، سعودیە، ئەفغانستان، کازاخستان، ڕووسیا، تونس، پاکستان، صین) بە پێی پلەبەندی هەرزانترین بۆ گرانترین.
ناوبراو وتیشی،لەو هەژدە وڵاتەی کە ئاماژەمان پێکردن، هەرزانترینیان بە وڵاتی ئێران دەست پێدەکات کە کیلۆواتێک کارەبا تەنها بە (٣) دیناری عێراقی دەست پێدەکات بۆ گرانترینیان کە بریتیە لە صین کە (١٠٠) دینارە،ئەو نرخانەی کارەبا لە هەرێمی کوردستان کە دەیانەوێت بەناوی کارەبای بەردەوام بەسەر هاووڵاتیاندا بیسەپێنن بە (١٠٠) دینار بۆ کیلۆ واتێک دەستپێدەکات بەرەو زیاتر تا دەگاتە (٢٠٠) دینارو زیاتریش (چونکە هیچ کۆتاییەکی نییە لە نرخەکاندا)، بەهیچ جۆرێک لەگەڵ داهاتی تاک ناگونجێت و بە بازرگانیکردنێکی ئاشکرای خزمەتگوزاریی گشتییە، کە ئەگەر ئەمە بچێتەسەر، ئەوە شتێک بەناوی کارەبای "حکومی" نامێنێت، لەم نێوەندەشدا هاووڵاتییانی داهات ئاسایی و مامناوەندو هەژار زیانی گەورە دەکەن بە ئاستێک نەتوانن کارەبا بۆ پێویستیەکانیان بەکاربهێنن.
ئەو پەرلەمانتارە ئەوەشی خستەڕوو، بۆیە پێویستە هەموو فشار بکەین حکومەت پابەندی ئەرکەکانی بێت لە دابینکردنی کارەبای بەردەوام بە نرخی ئێستای کە (١٨) دینارە بۆ کیلۆ واتێک ،نرخەکانی کارەبا لە وێبسایتی (گڵۆباڵ پێترۆ پرایس) وەرگیراون.نرخی دۆلار بە (١٣٢٠) دینار کە نرخی بانکی ناوەندییە، بۆ ئەژمارکردنی بەهای دۆلار ئەژمار کراون. بەراورد بە ئاستی بژێوی، نرخی کارەبا لە پڕۆژەی بەناو ڕووباکی لە زۆرێک لە وڵاتانی ئەوروپاو ئەمریکاش گرانترە، ئێمە لەم بەراوردە تەنها وڵاتانی دەوروبەرو نزیکمان وەرگرتووە، تا هاووڵاتی تێبگات دەیانەوێت چی بەسەردا بسەپێنن.
ک