زایەڵە-وەزارەتی دەرەوەی عێراق ڕایگەیاند؛ عەباس عراقچی، وەزیریە دەرەوەی کۆماری ئیسلامی ئێران، بە تەلەفۆن پەیوەندیی لەگەڵ فوئاد حوسێن، جێگری سەرۆک وەزیران و وەزیری دەرەوەی عێراق، کردووە.
هەردوولا دوایین پێشهاتەکانی غەززە و لوبنانیان تاوتوێ کردووە لە پاشخانی پێشێلکردنی ئاگربەست لەلایەن ئیسرائیلییەوە، جگە لە هێرشەکانی ئەمەریکا بۆ سەر یەمەن.
عێراقچی نیگەرانی خۆی لەم پێشهاتانە" دەربڕی. هەروەها کورتەیەکی ناوەڕۆکی پەیامەکەی دۆناڵد ترەمپ سەرۆکی ئەمەریکا، بۆ ئایەتوڵلا خامنەیی، ڕێبەری باڵای شۆڕشی ئیسلامیی ئێران، بۆ هاوتا عێراقییەکەی باس کرد و جەختی لەوە کردەوە کە حکوومەتی ئێران وەڵامی پەیامەکە دەداتەوە.
پەیوەندییە دووقۆڵییەکانی نێوان هەردوو وڵات و پێویستی بەردەوامیی پەیوەندیی و هەماهەنگی هاوبەشیان تاوتوێ کرد.
فوئاد حوسێن، نیگەرانی خۆی لە پەرەسەندنی گرژییەکانی ناوچەکە دەربڕی، هەنگاوی پێداچوونەوەی بە ناوەڕۆکی نامەکەی سەرۆک ترەمپ بەرزنرخاند و هیوای خۆی دەربڕی کە ئاڵوگۆڕی نامەکە یارمەتیدەر بێت بۆ کردنەوەی دەرگاکانی گفتوگۆ لە نێوان هەردوولادا.
ک