زایەڵە - خشتەكانی بودجەی 2025 عێراق نێردران بۆ ئەنجوومەنی وەزیران، كە قەبارەكەی لەنێوان 180 بۆ 200 تریلیۆن دینارە و كورتهێنانیش زیاتر لە 64 تریلیۆن دینارە.
لەوتووێژی لەگەڵ پەیامنێری زایەڵە جەمال كۆچەر، ئەندامی لیژنەی دارایی پەرلەمانی عێراق ڕایگەیاند:قەبارەی بودجەی 2025 نزیكەی 200 تریلیۆن دینارە و كورتهێنانی 64 تریلیۆن دینارە، بەڵام پێشبینی دەكەین قەبارەی بودجەكە بۆ نزیكەی 180 تریلیۆن دینار كەمبكرێتەوە.
ئاماژەی بەوەشكردووە، خشتەی بودجەی 2025 بە هاوئاهەنگی نێوان هەردوو وەزارەتی دارایی و پلاندانان ئامادە دەكرێت و، دواكەوتنی پەیوەندیدارە بە كێشەی كەمی نەختینەوە، عێراق مانگانە زیاتر لە 98 ملیۆن بەرمیل نەوت هەناردە دەكات، نرخەكەی بەگوێرەی مانگەكان دەگۆڕێت كە لە ماوەی یەك ساڵی رابردوودا لەنێوان 68 بۆ 72 دۆلاردا بووە.
ئەوەش لەكاتێكدایە كە قەبارەی بودجەی 2023ی عێراق 198.9 تریلیۆن دینار بوو، 65 تریلیۆن دینار كورتهێنانی هەبوو، هاوكات بودجەی 2024 گەیشتە 211.8 تریلیۆن دینار، كورتهێنانەكەشی 84 تریلیۆن دینار بوو.
ک