زایەڵە - لە وتووێژی لەگەڵ پەیامنێری زایەڵە، عومەر گوڵپی ئەندامی پەرلەمانی کوردستان رایگەیاند، بە پێى نوێترین ڕووپێوییە فەرمییەکانى هەژاریى، ڕێژەى هەژاریى لە ماوەى تەمەنى کابینەى نۆیەم بۆ (10%) بەرزبووەتەوە، لە کاتێکدا لە ساڵى (2018) ڕێژەى هەژاریى لە کوردستان (6%) بوو! واتە چوار پلە خەڵک زیاتر هاتووەتە نێو هێڵى هەژارییەوە.
ناوبراو وتیشی، بە پێى ڕووپێوییە فەرمییەکان کە وەزارەتەکانى پلاندانانى عێراق و هەرێمى کوردستان بە هاوکارى بانکى دەولى ئەنجامیانداوە، لە ساڵى (2018)، ڕێژەى هەژاریى لە کوردستان تەنها (6%) بووە کە دەکاتە 346 هەزار و 500 هاووڵاتى لە چوارچێوەى نزیکەى 69هەزار و 300 خێزاندا، بە پێى ژمارەى دانیشتووانى ساڵى (2018) کە (5,775,043) کەس بووە.
گوڵپی هێمای بەوەشکرد، بەڵام بە پێى تازەترین ڕووپێوی، پاش پێنج ساڵ لە تەمەنى کابینەى نۆیەم، رێژەى هەژاریى بەرزبووەتەوە بۆ (10%) کە دەکاتە 637 هەزار و 66 هاووڵاتى، لە چوارچێوەى 127 هەزار و 413 خێزاندا، کە زۆرترینیان لە دهۆکن پاشان سلێمانی و دواتریش هەولێر.
ک