زایەڵە - لە وتوێژێکی تایبەتدا لەگەڵ پەیامنێری زایەڵە فەرهاد تۆفیق، کارگێڕی مەکتەبی سیاسی و وتەبێژی فەرمی پارتی سۆسیالیست دیموکراتی کوردستان ڕایگەیاند، قودس لەبەر ئەوەی چەقی ململانێ نێوان ئیمپراتۆرەکان بووە لە دێرزەمانەوەو دواتریش بووەتە چەقی ماملانێی ئاینی و هەروەها هەڵکەوتەو جیۆپۆلەتیکی ناوچەکەش وئەو بناغە و ڕابردووەی کە هەیەتەی نەک تەنیا گرنگییەکی گەورەی داوە بەقودس، بەڵکو پیرۆزییەکی تەواویشی پێبەخشیوە، بە جۆرێک هەر لایەنێکی ئایینی لە ئایینە ئاسمانییەکان سەرکەوتنیان بەستۆتەوە بەبەدەستەوەبوون و ئازادکردنی قودس بۆخۆیان. بەتابەت لەئایینی ئیسلامدا گرنگییەکی گەورەی پێدراوەو یەکەم ڕووگەو قیبلەی موسوڵمانان بووە، بەردەوامیش لەهەوڵی ڕزگارکردن و پارێزگاریکردندا بوون لێی، بۆیە لەم ڕۆژەدا تەمەنای ئازادی کردنی دەکەین و ئومێد ئەکەین موسوڵمانان لەزووترین کاتدا بەئازادی و ئازادانە لەناو قودسی شەریفدا نوێژو خواپەرستی خۆیان ئەنجامبدەن.
وتیشی، لە ڕاستیدا وڵاتان خەریکی سیاسەتکردن و بەرژەوەندی پاراستنی خۆیانن، جگە لەوڵاتانی ئیسلامی بۆ وڵاتانی تر و وڵاتە زلهێزەکان بەتایبەت نەک هەر گرنگ نییە قودس بەدەستی موسوڵمانانەوەیە یان نا، بەڵکو بەشێکیان گرنگە لایان مەبەدەستی ئیسرائیلەوەیە و زۆرترین پارێزگاریشی لێدەکەن، دەربارەی وڵاتانی ئیسلامیش کە بۆچی کەمتەرخەمن، گرنگترین هۆکاری بابەتییان ئەوەیە کە باڵانسی هێز لەبەرژەوەندی ئەواندا نییە و ئسرائیل و پشتیوانانی ئیسرائیل بەهێزترن لە ئەوان، هۆکارێکی تریش بریتییە لەنەبوونی ئیرادە و نییەتی ڕاستەقینەو نەکردنی بەئامانجی یەکەمی خۆیان هەروەها پابەندنەبوون بەبنەما و خواستی دین وموسوڵمانانەوە لەگەڵ نەبوونی یەکگرتووی وپاڵپشتی لەنێوانیاندا هۆکار گەلێکن، وادەکەن وڵاتانی ئیسلامیش بەگشتی کەمتەرخەم بن بۆ ئەو بابەتە.
ئەوبەرپرسەی سۆسیالیست ئەوەشی خستەڕوو،دەربارەی چی بکرێت بۆڕزگارکردنی قودس، یەکەم شت کەدین دیاریکردووەو بووەتە هۆی ڕزگارکردنی قودس لەپێشتردائەوەیەکەموسوڵمانان و وڵاتان پابەند بن بەشەریعەت و بنەماکانی ئیسلام وجێبەجێکردنی شەریعەت وسونەتەکانی پێغەمبەرەوە درودی خوای لەسەر بێت، دواتر ئیرادەو نییەتی جدی بۆ ڕزگارکردن و هاوهاری و هەماهەنگی ویەکگرتووی نێوان وڵاتانی ئیسلامی و موسوڵمانان بەگشتی،تاوەکو بتوانن لەڕێگەی فشاری ئابووری و سیاسی ودیبلۆماسییەوەو دواترینیشیان سەربازییەوە مافی گەلی فەلەستین بەدەست بێنن.وەک پەیامیش ئومێد ئەکەم هەموو گەلێکی مەزلووم و خاوەن حەق و ژێردەستەو بێدەسەڵات بەمافی ڕەوای خۆیان بگەن،لەوچوارچێوەیەشدا گەلی کورد و گەلی فەلەستینیش کە هەردووکیان گەلێکی مەزلووم و بێدەسەڵاتن مافی ڕەواو دەوڵەتی خۆیان پێبدرێت و هەبێت.
ک