زایەڵە-لەوتووێژێکی تایبەتدا لەگەڵ پەیامنێری زایەڵە شوان ڕابەر ئەندامی ئەنجومەنی سیاسی کۆمەڵی دادگەری ڕایگەیاند،قودس خاکی موسڵمانانە، بەدەستی جولەکە داگیر کراوە، چەندان ساڵە ئەوپەڕی زوڵم لەموسڵمانانی فەلەستین دەکرێت، بەتایبەت لەخەڵکی غەزە، پێویستە هەموو ڕۆژێ ڕۆژی قودس بێت، تاڕزگار دەکرێت، قودس یەکەمین ڕوگەی موسڵمانانە، پێغەمبەر(د،خ) لەوێ چۆتە حزوری خوای گەورە، خوا ڕێزی لەوێ ناوە.
وتیشی، هەندێک لەوڵاتانی ئیسلامی زۆر کەمتەرخەمن، بەرامبەر قودس (غەزە) ئەوەش لەبەر ترس و پاراستنی بەرژەوەندی خۆیانە، بەڵام خوای گەورە لەڕۆژی دوایی لەسەر ئەوەسزایان دەدات، چونکە بەرگری کردن لەقودس و ڕزگارکردنی واجبە لەسەرشانی موسڵمان.
ئەوسەرکردەیەی کۆمەڵی دادگەری ئەوەشی خستەڕوو، وەڵاتە زلهێزەکان زۆربەیان پاڵپشتی سەهیۆنیزم دەکەن، لەدژی غەزە، بۆیە ئیسرائیل داشی سوارە، باری غەزەش خوارە، پێویستە موسڵمانان هەموویان بەرامبەر بەغەزە یەکگرتوو و هاوهەڵوێست بن، بەهەموو شێوەیەک هاوکاری غەزە بکەن، بەرگری لێ بکەن، هەوڵی ئازادکردنی قودس بدەن، موسڵمانانی غەزەش زیاتر خۆڕاگربن لەپێناو مانەوەیان، مقاومەو ئاشتی بکەن، وڵاتە گەورەکانیش هاوکاری غەزە بکەن نەک جولەکە.
ک