زایەڵە -محەمەد مەلا مەحمود تاوگۆزی مامۆستای ئاینی جەخت لەسەر ئەوە دەکاتەوە ڕزگارکردنی قودس و فەلەستین کێشەیەکی ئاڵۆزە و پێویستی بە ھەوڵێکی گەورە و یەکگرتوو ھەیە لە لایەن جیھانی ئیسلامی و مرۆڤدۆستانی جیھانەوە..
محەمەد مەلا مەحمود تاوگۆزی مامۆستای ئاینی لە وتووێژێکی تایبەتدا لەگەڵ پەیامنێری زایەڵە ڕایگەیاند،قودس بە عەرەبی القدس یان بيت المقدس یەکێکە لە شارە گرنگەکانی جیھان و لە ئایینە سەرەکییەکانی جیھاندا ڕۆڵێکی گرنگی ھەیە. بەتایبەتی لە ئیسلام، مەسیحییەت و جوولەکایەتیدا شوێنێکی پیرۆز و دیارە. گرنگی قودس لەئیسلامدا، بەیتولموقەدەس یەکەمین قیبلەی موسڵمانان بوو. پێش ئەوەی قیبلە بگۆڕدرێت بۆ کەعبە لە مەککە، موسڵمانان بەرەوقوبەتولموقەدەس ڕوو دەکردن بۆ نوێژکردن. ئەمەش شوێنێکی گرنگی قودس نیشان دەدات. میعڕاجی پێغەمبەر (د، خ) لە ڕووداوەکەی میعڕاجدا، پێغەمبەر محەممەد لە مەسجیدی حەرام لە مەککەوە بۆ مەسجیدی ئەقسا لە قودس گواسترایەوە و لەوێوە بۆ ئاسمانەکان بەرزکرایەوە.ئەم ڕووداوە گرنگی قودسی نیشان دەدات وەک شوێنێکی پیرۆز.مەسجیدی ئەقسا یەکێکە لە سێ مەسجیدە گرنگەکەی ئیسلام لەگەڵ مەسجیدی حەرام لە مەککەومەسجیدی پێغەمبەر لە مەدینە.
ئەو مامۆستا ئاینیە وتیشی، کەمتەرخەمی وتانی جیهان و بە تایبەتیش ئیسلامیی بۆ چەندین هۆکاری نێوخۆیی و دەرەکی دەگەڕێتەوە، لەوانە، بابەتی نەتەوەگەرایی، ئابووری و پەیوەندییە نێودەوڵەتییەکان، ناتەبایی و ناکۆکی نێوخۆیی مسوڵمانان لەڕووی عەقیدەیی و فکری ومەزهەبییەوە. بەڵام ھێشتا خەڵکی فەلەستین چاوەڕوانی پشتگیری گەرمی خەڵکی موسڵمان ومرۆڤدۆستانی جیھان هەیە.
ڕونیشیکردەوە،لە ڕاستیدا ڕزگارکردنی قودس و فەلەستین کێشەیەکی ئاڵۆزە و پێویستی بە ھەوڵێکی گەورە و یەکگرتوو ھەیە لە لایەن جیھانی ئیسلامی و مرۆڤدۆستانی جیھانەوە. بۆ ئەوەی قودس ڕزگار بکرێت پێویستە چەندین کردار و ستراتیژی بکرێت، کەلێرەدا بە کورتی باسیان، دەکەین، یەکگرتوویی لە نێو جیھانی ئیسلامیدا، ھەماھەنگی نێو جیھانی ئیسلامی و عەرەبی ، پشتگیری نێودەوڵەتی وڕێکخراو ەنێودەوڵەتییەکان، جوڵە و چالاکی مەدەنی، فشاری ئابووری، هەوڵی خەڵکانی عادی لە جیھانی ئیسلامی و مرۆڤدۆستانی جیھان پێویستە لە ڕێگەی خۆپیشاندان و چالاکی جۆراوجۆری تر.
هێمای بەوەشکرد، لە ڕۆژی جیهانی قودسدا هیوای کۆتایی هاتنی ئەم دۆخە نەخوازراو و ئاڵۆزەدەخوازین، وە هیوادارین مسوڵمانانی ستەمدیدەی فەلەستین و بە تایبەتیش غەززە لەدەست ستەمکارانی زایۆنی ڕزگاریان ببێت و بگەن بە مافی ڕەوای ڕەوای خۆیان. نزا وداوایشمانە لە حزووری پەروەردگاردا کەستەمکارانی ئەمریکا و خۆرئاوا وئیسرائیل لەناو بەرێت و ئاشتیخوازان سەربخات.
ک