زایەڵە ـ  رۆژنامەی (الشرق الاوسط) بڵاوی کردەوە، ناڕازەیی لە نێو کوردەکانی سوریادا سەریهەڵداوە، بەهۆی دوورخستنەوەیان لە گفتوگۆكانی پێکهێنانی حکومەتی راگوزەری سوریا، کە بڕیارە لە چەند کاتژمێری داهاتوودا دیمەشق رایبگەیەنێت.

ئەنجومەنی نیشتیمانی کوردی لەسوریا "ئەنەكەسە" دەڵێت، سەرەڕای ئەوەی بانگهێشتی فەرمیان بۆ بەشداریکردن لە رێورەسمی دەستنیشانكردنی حکومەتی نوێ پێگەیشتووە، بەڵام بایکۆتی دەكەن.

فەیسەڵ یوسف، وتەبێژی فەرمی ئەنجومەنی کوردی راگەیاند، ئیدارەی نوێی دیمەشق ، پەیوەندی پێوەنەكردوین سەبارەت بە پێکهێنانی ئەم حکومەتە، یان راوێژمان پێبكات لە هەڵبژاردنی ناو یان پۆستە وزارییەكان.

هێزە سیاسییە کوردییەکان تاکە نوێنەرو داکۆکیکارن لە گەلی کورد و مافەکانی و، هیچ بەرژەوەندییەكیان نیە لە بەشداریكردنی لە رێورەسمی راگەیاندنی پێكهێنانی حكومەت، هێندەی ئەوەی گرنگە بەلامانەوە داواكاری گەلەكەمان بەدیبهێنین و لەرووی دەستورییەوە زامنی بكەین.

ک