زایەڵە ــ ئیسرائیل تاریکترین ڕیکۆردی له مێژووی وەرزشی جیهاندا بەرانبەر بە وەرزشوانان تۆمار کردووە.
"ئیسرائیل ئەو ڕژێمەی کە زۆرترین ورزشوانی لە جیهاندا قوربانی کردووە"، ئەمە ناوەڕۆکی ڕاپۆرتی ئەلجەزیرەیە ئەمڕۆ لەسەر ئامارە ترسناکەکانی کوشتنی وەرزشوانانی فەلەستینی بەدەستی ڕژێمی داگیرکەر.
ئیسرائیل لە ماوەی ساڵێکدا زیاتر لە 700 وەرزشوانی فەلەستینی کوشتووە، واتە لە هەر 24 کاتژمێرێکدا دوو وەرزشوان دەکوژێت.
پێشتریش فیدراسیۆنی تۆپی پێی فەلەستین ڕایگەیاندبوو کە لە سەدا 70ی وەرزشوانان قوربانی تاوانەکانی ڕژێمی زایۆنین.
ڕۆژنامەی ئەلرەیای قەتەر دەڵێت ئیسرائیل لە سەرەتای دەستپێکردنی شەڕی غەززەوە 750 وەرزشوانی فەلەستینی کوشتووە کە زیاتر لە 100 کەسیان منداڵ و مێردمنداڵن.
بەگوێرەی ڕاپۆرتی ئەلجەزیرە ئیسرائیل نەک تەنها کۆمەڵکوژی لە وەرزشی فەلەستیندا ئەنجامداوە، بەڵکو بە وێرانکردنی 273 سەنتەری وەرزشی کە لە سەدا 95 ی ژێرخانی غەززە پێکدەهێنن، تاریکترین ڕیکۆردی لە مێژوودا تۆمار کردووە.