زایەڵە ــــ بە مەبەستی جێگیرکردنی تابلۆی لووتکەی(کاوەلار 1675m)لە چیای زەردە و بەرزکردنەوەی ئاڵای کوردستان لە لووتکەی شاخەکەدا،کۆمەڵەی هەردەوانیی گەرمیان گەشتێکی شاخەوانیی ئەنجام دا
بەشی ڕاگەیاندنی گرووپ: گرووپەکەمان رۆژی شەممە بـە هـاوبەشی لەگەڵ گروپی شاخەوانی بەمۆ گەشتێکی شاخەوانی ئەنجام دا بۆ سەر چیای کاوەلار، خاڵی دەستپێک گوندە جوانەکەی زەردەلیکاو بوو، ڕێی(کەرەم وەیس)مان هەڵبژاد بۆ سەرکەوتن، سروشت و جوانی ناوازەی ناوچەکە و گۆێبیستی ئاوازی پڕجۆشی باڵندەکان هیلاکی ڕێی لەبیر بردینەوە، هەمیشە سەرکەوتن بۆگەیشتن بە لووتکە سەختترە لە دابەزین، هەربۆیە نزیکەی سێ سەعاتمان پێویست بوو لەبەر سەختی ڕێ، بەڵام هاتنەخوارەوە ئاسانتربوو، گەشتەکە نزیکەی حەوت سەعاتی خایاند.
بەشی ڕاگەیاندن وتی: شایانی باسە لەم گەشتەدا چەند شاخەوانێک بڕوانامەی ڕێزلێنانیان پێشکەش کرا لە پای ڕۆڵیان لە پێشخستن و بە کەڵتوورکردنی وەرزشی شاخەوانی لە گەرمیان دا.
بەشی ڕاگەیاندن وتیشی: سوپاس بۆ خوا بە سەلامەتی ئەندامانی بەشداربوو کە ژمارەیان 21 شاخەوان بوو کۆتایمان پێهێنا.