زایەڵە- نەبەز ئیسماعیل، وتەبێژی وەزارەتی ئەوقاف و کاروباری ئایینی حکوومەتی هەرێمی کوردستان، ئێمە بە پێی بنەما شەڕعییەکان بڕیاری جەژنمان داوە، یەکێکیش لە بنەما شەڕعییەکان بینی مانگە.

 ئێمە لیژنەی لاوەکی و لیژنە فەرعیمان هەیە، دوای ئەوەی بە وردی چاودێری بینی مانگیان کرد بڕیاری جەژن درا، دەتوانم بڵێم زۆربەی وڵاتانی ناوچەکەش بەشێکیان پشتیان بە ئێمە بەست لە ڕاگەیاندنی جەژن، ئەوەش بەهۆی ئەوەی کە هەرێمی کوردستان، ژینگەی پاکە و شوێنی بەرزە و چیاکانی بەرزە دەتوانرێت بە ئاسانی مانگی تێیدا ببینرێت.

 دوای ئەوەی لیژنەی بینی مانگ گەیشتە ئەو بڕوایەی کە مانگ بینراوە یەکسەر جەژنی ڕاگەیاند.

لە دیاریکردنی ڕۆژی جەژن بەشێک لە وڵاتانی ناوچەکە پشتیان بە کوردستان بەست.

 "جەژن لە هەرێمی کوردستان یەک جەژنە، وەزارەتی ئەوقاف و کاروباری ئایینی کە ڕایگەیاندووە، دەبێت ئەو بڕا عەرەبانەی کە لێرەن بە شیعە و سوننەوە لەگەڵ ئێمە جەژن بکەن لێرە یەک جەژن هەیە."

ک