زایەڵە ـــ سەرۆکی یەکێتی تۆپی پێی ئیسپانیا خواست و مەیلی وڵاتەکەی بۆ میوانداریکردنی موندیالی خانمان لەگەڵ دوو وڵاتی دیکدا ڕاگەیاند.
یەکێتی تۆپی پێی ئیسپانیا ڕۆژی هەینی ڕایگەیاند؛ کە لەگەڵ دوو وڵاتی دراوسێی خۆی بۆ مۆندیالی خانمانی 2035 ناودێر دەکات، هاوشێوەی پاڵەوانێتی پیاوان کە لە ساڵی 2030 بەڕێوەدەچێت. دوا مۆڵەت بۆ بە فەرمی کردنی ئەم پرۆسەیە ئەم هەفتەیە.
سەرۆکی فیدراسیۆنی تۆپی پێی ئیسپانیا، ڕافایێل لۆزان لە کۆنفرانسێکدا لە زانکۆی مەدرید گوتی: "هیچ ڕێگەیەکی باشتر نییە بۆ برەودان بە وەرزشی خانمان لە بەشداریکردن لە گرنگترین ڕووداوی وەرزشی جیهان کە جامی جیهانە. ئێمە کاری لەسەر دەکەین."
هەروەها گوتی "دەمانەوێت ئیسپانیا میوانداری مۆندیالی خانمان بکات لە ساڵی 2035 شانبەشانی وڵاتانی وەک پورتوگال و مەغریب. ئەم وڵاتانە هەوڵێکی دارایی گەورە دەدەن و هاوپەیمانانێکی زۆر گرنگن.
ڕکابەری سەرەکی ئەم پێشنیارە ئەفریقای باشوور و پێشنیاری هاوبەشی ئینگلتەرا، ئیرلەندای باکوور، سکۆتلەندا و ڤێڵز دەبێت.
فیفا لە 76هەمین کۆنگرەی خۆیدا بڕیار لەسەر میوانداری مۆندیالی 2031 و 2035 دەدات کە بڕیارە لە چارەکی دووەمی ساڵی 2026دا بەڕێوەبچێت.