زایەڵە - هێزە چەکدارەکانی یەمەن (حوسیەکان) ڕایگەیاند: بەرگریی ئاسمانیمان فڕۆکەیەکی ئەمریکی دوژمنکارانەی جۆری MQ-9 لە ئاسمانی پارێزگای مەئرەب بە مووشەکێکی گونجاوی ناوخۆیی خستە خوارەوە.
ئاماژەی بەوەش دا: ئەم فڕۆکەیە شازدەهەمین فڕۆکەیە کە بەرگریی ئاسمانیمان سەرکەوتوو بووە لە خستنە خوارەوەی لە ماوەی جەنگدا.
ڕاشیگەیاند: جەخت دەکەینەوە کە بەردەوام دەبین لە ڕێگریکردن لە کەشتیوانیی ئیسرائیلی لە دەریای سوور و دەریای عەرەبیدا.
هەروەها جەختی لەسەر ئەوە کردۆتەوە؛ بە یارمەتی خوای گەورە، دوودڵ نابین لە جێبەجێکردنی زیاتر لە کردەوە بەرگریکارییەکان دژی هەموو یەکە سەربازییە دوژمنکارەکان لە ڕۆژانی داهاتوودا.