زایەڵە - ئیسرائیل هێرشیکردەوە سەر بەیروتی پایتەختی لوبنان و بە گوێرە ڕاپۆرتەکان تا ئێستای لەگەڵ بێ، سێ کوژراو و ٤ برینداری لێکەوتۆتەوە.
سوپای ئیسرائیل ڕایگەیاند چەند باڵەخانەیەکی لە زاحیە باشووری بەیرووتی کردووەتە ئامانج، کە ئەندامانی حیزبوڵڵایان تێدا بووە.
ڕاشیگەیاندووە؛ ئەو چەکدارانە هاوکاریی چەکدارانی حەماسی فەلەستینیان کردووە کە بە رۆکێت لە کەرتی غەززەوە، ناوچە سنوورییەکانی باشووری ئیسرائیل بۆردوومان بکەن.
ئەو هێرشانەی بەرەبەیانیی ئەمڕۆ بەبێ هیچ ئاگادارکردنەوەیەک بوون. لەدوای زیاتر لە پێنج مانگ لە ئاگربەست لەنێوان ئیسرائیل و لوبنان، چەند رۆژێک لەمەوبەر ئیسرائیل بۆردوومانی باشووری لوبنانی کرد.