زایەڵە-بەڕێوەبەری پێشووی بەنداوەكانی هەرێمی كوردستان ئاماژە بەوەدەكات، بەهەردوو بەنداوی دووكان و دەربەندیخانەوە نرزكەی سێ ملیۆن مەتر سێجا ئاو گلدراوەتەوە، ئەوەش بڕێكی زۆر كەمە و چاوەڕێدەكەین كە لەم دوومانگە بریكی زیاتر ئەو گلبدرێتەوە.
ئەكرەم ئەحمەد، بەڕێوەبەری پێشووی بەنداوەكان راگەیاند: بەنداوی دەربەندیخان یەك ملیار و 692 ملیۆن مەتر سێجا ئاوی تێدایە، نزیكەی سێ ملیار مەتر ئاو دەگرێت، 17 مێگاوات كارەبا بەرهەم دەهێنێت و 20 مەترسێجا لە چركەیەكدا ئاو لە بەنداوەكە دەڕوات و داهاتی ئاو لە چركەیەكدا 37 مەتر سێجایە كە دەچێتە ناو بەنداوەكە.
ئاماژەی بەوەشكرد، ئاوی بەنداوی دوكان یەك ملیار و 876 ملیۆن مەترسێجا ئاوی تێدایە، لەم كاتەدا 42 مێگاوات كارەبا بەرهەمدەهێنێت، 70 مەتر سێجا ئاو لە بەنداوەكە بەردەدەدرێتەوە، 39 مەتر سێجا لە چركەیەدا ئاو دەچێتە ناو بەنداوەكە، بەنداوی دهۆكیش هەرچەندە تەنیا 39 ملیۆن مەترسێجا ئاوی تێدایە.
بەنداوی دووكان لە كۆی حەوت ملیار مەترسێجا كەمتر لە دوو ملیار مەتر سێجا ئاوی تێدایە، بەنداوی دەربەندیخان لەكۆی سێ ملیار مەتر سێجا كەمتر لە 2 ملیار مەتر سێجا ئاوی تێدایه و ئەمساڵیش رێژەی باران بارین لە هەر دوو ناوچەكە زۆر كەم بووەوە.
بەڕێوەبەری پێشووی بەنداوەكان ئەوەشی خستووەتەڕوو، چاومان لەوەیە لەم مانگە و لەمانگی داهاتووش باران ببارێت و ئاستی ئاوی هەر دوو بەنداوەكە بەرز بێتەوە.
ک