زایەڵە - كەنەدا بەشێكی زۆری نوسینگەی باڵوێزخانەكانی لە وڵاتانی جیهان داخست و نوسینگەی هەولێریش لەو چوارچێوەیەدا بە رەسمی داخرا.
ناش قوبادی، چالاكوانی كورد لە وڵاتی كەنەدا رایگەیاند"كەنەدا بە بیانووی گەڕاندنەوەی داهاتی زیاتر بۆ وڵات زیاتر لە 120 نوسینگەی لە سەرانسەری جیهان داخستووە و نوسینگەی هەولێریش یەكێك بووە و لەو نوسینگانەی كە لە چوارچێوەی ئەو پرۆسەیەدا داخراوە".
وتیشی"سەفارەتی كەنەدا لە بەغداد و بەشی ئمیگریشین و بایۆمەتری ڤیزا لە هەولێر كارەكانی وەك پێشتر بەڕێوەدەچێت و دانەخراوە و ئەو هاوڵاتییانەی داوای ڤیزا دەكەن و ئیشوكاری ئمیگریشینیان هەیە لەكوردستان دەتوانن هەر لە هەولێر ئەو كارانە تەواو بكەن".
وڵاتی كەنەدا زیاتر لە 270 نوسینگەی سەفارەت و باڵوێزخانەی لە 180 وڵاتی جیاوازدا هەیە و بە داخستنی ئەم نوسینگانەش هێشتا 150 نوسینگەی لەو وڵاتە جیاوازانەدا دەمێنێتەوە.
ک