زایەڵە- سودانی لە گفتوگۆ لەگەڵ پزشکیان، جەختی کردەوە لەسەر ئەوە کە عێراق هەڕەشەکانی سەر کۆماری ئیسلامی ئێران ڕەتدەکاتەوە، و پابەندبوونی بە ئاسایش و سەقامگیریی دووپات کردەوە.
دەقی ڕاگەیەندراوەکە:
سەرۆکی ئەنجومەنی وەزیران بەڕێز محەمەد شەیاع سودانی، بەبۆنەی جەژنی ڕەمەزانەوە پەیوەندییەکی تەلەفۆنی لە سەرۆک کۆماری ئێرانەوە پێدەگات.
سەرۆکی ئەنجومەنی وەزیران بەڕێز محەمەد شەیاع سودانی، ئەمڕۆ سێشەممە پەیوەندییەکی تەلەفۆنی لە سەرۆک کۆماری ئیسلامی ئێرانەوە بەڕێز مەسعود پزشکیان بەبۆنەی جەژنی ڕەمەزانەوە پێگەیشت.
لە پەیوەندییەکەدا پیرۆزبایی ئاڵوگۆڕ کرا و جەخت کرایەوە لەسەر هەماهەنگی نێوان وڵاتانی جیهانی ئیسلامی، لە ڕووبەڕووبوونەوەی ئاستەنگ و مەترسییەکان لەپێناو بەدیهێنانی ئاسایش و سەقامگیری بۆ هەموو وڵاتانی ئیسلامی.
هەر لە میانەی پەیوەندییەکەدا بەرێزیان جەختی کردەوە لەسەر ئەوە کە عێراق هەڕەشەکانی سەر کۆماری ئیسلامی ئێران ڕەتدەکاتەوە، و پابەندبوونی بە ئاسایش و سەقامگیریی دووپات کردەوە.
هەردوولا جەختیان کردەوە لەسەر گرنگی بەهێزکردنی هاوکاری دوو لایەنە لە بوارە جیاوازەکاندا، بەشێوەیەک لە بەرژەوەندی هەردوو وڵات و گەلەکانیاندا بێت.
نوسینگەی ڕاگەیاندنی سەرۆکی ئەنجومەنی وەزیران
1ی نیسانی 2025
ک