زایەڵە-وتەبێژی چاكسازییەكانی هەرێمی كوردستان ئاماژە بەوەدەكات بۆ ماوەی هەفتەیەك مۆڵتدراوە بە 52 زیندانیكراو كە سێ لەسەرچواری ماوەی زیندانیكردنیان بەسەر بردبێت ڕۆژانی جەژن لەدەرەوەی زیندان و لەناوكەسوكاریان بەسەر بەرن، كە زۆرینەیان لە زیندانەكانی هەولێربوون.
خالید محەمەد، وتەبێژی چاكسازییەكانی هەرێمی كوردستان ڕایگەیاند، لە هەرێمی كوردستان بە بۆنەی جەژنی ڕەمەزانەوە 52 بەندكراو مۆڵەتییان پێدراوە و بۆ هەفتەیەك ڕۆژانی چەژن و چەند ڕۆژێكی دیكە لەگەڵ خێزانەكانیان بەسەر دەبەن.
ئاماژەی بەوەشكرد، ئەو بەنداكراوانەی سزای قورسیان بەسەر سەپێندراوە، مۆڵەتییان پێدەدرێت، بەڵام بەومەرجەی زیاتر لە سێ لەسەر چواری ماوەی سزاكانیان تێپەڕاند بێت، هاوكات پێویستە بەندكراو لە كاتی وەرگرتنی مۆڵەت و چوونە ماڵەوە كەفیلی كەسی و ماددیان هەبێت و لەو ماوەیەی مۆڵەتن ڕۆژانە لە نزیكترین بنكەی پۆلیسی ماڵەكەیدا پەنجەمۆر بكات، بەڵام سزادراوانی كوشتن و تیرۆر ناتوانن ئەو مۆڵەتە وەربگرن.
وتەبێژی چاكسازییەكانی هەرێمی كوردستان ئەوەشی خستەڕوو، لەكۆی ئەو 52 زیندانیكراوەی كە مۆڵەتیان پێدراوە ئەم جەژنە لەناوكەسوكارەكانیان ڕۆژانی جەژن بەڕێبكەن لە چاكسازیی هەولێر 24 بەندكراو لە چاكسازیی سلێمانی 17 بەندكراو هاوكات لە چاكسازی دهۆكیش 11 بەندكرا مۆڵەتیان پێدراوە لە دەرەوەی زیندان ڕۆژانی جەژن بەسەر ببەن.
ک