زایەڵە- فەرهاد تۆفیق کارگێڕی مەکتەبی سیاسی و وتەبێژی حیزبی سۆسیالیست دیموکراتی کوردستان لە وتووێژێکی تایبەتدا لەگەڵ پەیامنێری زایەڵە ڕایگەیاند، ئێمە پێمانوایە کە حکومەت و پەرلەمانی داهاتوو هەردووکیان لەبەردەم ئەرکێکی و سەخت و گرنگدان، چونکە پەرلەمانی داهاتوو جگە لەئەرکە بەردەوامەکانی خۆی دوو ئەرکی گرنگی لەبەردەمدایە کە زۆر گرنگە بەباشی چارەسەریان بکات و تێیانبپەڕێنێت، ئەویش یەکەمیان نوسینەوەی دەستورو ئامادەکردن و خستەنەبەردەمی هاوڵاتیانە بۆ پەسەندکردنی دووەمیان دۆزینەوەی ڕێگاچارەو دەرچەی یاساییە بۆ ئەو فشارو لەقاڵبدانەی قەوارەی هەرێمی کوردستانە لەلایەن حکومەت و دادگای فیدراڵییەوە.
ناوبراووتیشی، هەروەها دەربارەی کابینەی نوێی حکومەتی هەرێمیش دیسانەوە لەبەردەم ئەرک وبەرپرسیارێتییەکی قورسدایە، چ لەتێپەڕاندنی ئەو بارودۆخە دارایی وئابوورییەی تێیکەوتووەو چەندین ساڵە بەردەوامە، ئەویش بەدۆزینەوەی چارەسەری بنبڕو درێژمەودا، چ لەگێڕانەوەی متمانەی هاوڵاتیان بۆخۆی ئەویش بێگومان بەپێشکەشکردنی خزمەتگوزاری باشتروشایستەبۆهاوڵاتیان و کەمکردنەوەی باج و ڕسومات وتێچووی ژیانکردن بەبەراوردبەحکومەتی ناوەندی، هەروەها بەڕێکخستن ویەکهەڵوێستی ناوخۆی ماڵی کورد وخودی پێکهێنەرەکانی حکومەت،هاوکات گرتنەبەری ڕێوشوێنی ئیداریی و یاسایی و سیاسی لەکاتی پێنەدانی مافەکانی یان بەرتەسککردنەوەی دەسەڵاتەکان لەلایەن حکومەتی فیدڕاڵەوە، لەهەموو ئەمانەش گرنگتر ئەوەیە ڕوانگەی بیرکردنەوەو بڕیاری بەرژەوەندی گشتی هاوڵاتیان و نەتەوەیی بێت نەک خواستی کۆمپانیاو کەرتی تایبەت.
فەرهاد تۆفیق ئەوەشی خستەڕوو،سەبارەت بەبەشداریکردنی ئێمە لەکابینەی نوێی حکومەت بێگومان پێکهێنانی حکومەت و پەرلەمان و سەرۆکایەتی هەرێم یەک پاکێجەو تا لەسەر هەمووی ڕێککەوتن نەکرێن هەنگاوی یەکەم، کە هەڵبژاردنی سەرۆکایەتی پەرلەمانە دەستپێناکات، هەرکات سەرۆکایەتی پەرلەمان پێکهات و سەرۆکی هەرێم هەڵبژێردرایەوەو کوتلەی براوەی یەکەم ڕاسپێردرا بۆ پێکهێنانی حکومەت و ئەوان سەردانیان کردین، ئەوکات بەپێی کارنامەی ئەو حکومەت و ئەو پێگەو ئەرکەی بۆمان پێشنیازدەکرێت ئێمە بڕیاری دروستی خۆمان دەدەین، ئەوەی لەوکاتەشدا بۆ ئێمە گرنگە حکومەتێکی خزمەتگوزارو بەهێز، هاوکات تاچەند ئێمە دەتوانین لەوپێگەیەدا خزمەتی هاوڵاتیان بکەین.
ک