زایەڵە ـــ فرۆشتنی بلیتی ڤی ئای پی برینەکانی بەرشەلۆنەی ساڕێژ نەکرد
"لالیگا سکاڵای لە دژی بەرشەلۆنە تۆمار کرد"، ڕاپۆرتی ئەمڕۆی رۆژنامەی موندۆ دیپۆرتیڤۆی ئیسپانی سەبارەت بە کێشەی نوێی نێوان ئەو دوو هەڵبژاردە و تۆمەتی پێشێلکردنی یارییە داراییەکان.
فرۆشتنی بلیتی 100 ملیۆن یۆرۆ لە یاریگای نیوکەمپ بۆ ئەوەی بەرشەلۆنە لە قەیرانی سەقفی گرێبەستەکە دەربچێت، هیچ قازانجێکی نەبوو.
پێشتر بەرشەلۆنە بلیتی VIP ی بۆ نیوکەمپ فرۆشتبوو بۆ ئەوەی لە سەقفی دیاریکراوی گرێبەستەکان ڕزگاری بێت و داهاتی خۆی زیاد بکات بۆ تۆمارکردنی گرێبەستی هەردوو یاریزانەکەی.
ڕۆژنامەی ئیسپانی نووسیویەتی لالیگا بەیاننامەیەکی بڵاوکردووەتەوە و تێیدا ئاماژەی بەوەداوە کە یانەی بارسێلۆنا مەرجی پێویستی نییە بۆ تۆمارکردنی دۆنی ئۆڵمۆ و پاو ڤیکتۆر لە بواری "یاریی دادپەروەرانەی داراییدا".
بەگوێرەی ڕاپۆرتی موندۆ لالیگا دەیەوێت ئەو وردبینەی کە لەلایەن بەرشەلۆنەوە دەستنیشان کراوە دادگایی بکات کە 100 ملیۆن یۆرۆی فرۆشتنی پێشوەختی بلیتی VIP لە هەژماری قازانج و زیانی تۆمارکراودا پشتڕاستکردووەتەوە.