زایەڵە - کۆمپانیای دانەغاز و کرێسێنت پێترۆلیۆم،لە سەرەتای مانگی ئازاری ئەم ساڵەوە، ئاستی بەرهەمهێنانی غازی سروشتییان لە کێڵگەی کۆرمۆر بۆ (525) ملیۆن پێی سێجا بەرزکردووەتەوە ، ئەوەش بە دەستکەوتێکی گرنگ وەسفدەكەن، كە بەراورد بە ساڵی (2017) ئاستی بەرهەمهێنان بە رێژەی (75٪) بەرزبووتەوە.

 ئاستی بەرهەمهێنانی غازی کۆندێنسەیتیان لە کێڵگەی کۆرمۆر بۆ (15) هەزار و (200) بەرمیلی رۆژانە بەرزکردووتەوەو، رۆژانە (1070)تۆن غازی شلی (ئێڵ پی جی) بەرهەمدەهێنن.

 تاوەکو ئێستا زیاتر لە (3.5) ملیار دۆلار وەبەرهێنانیان کردووە لە هەرێمی کوردستان، کە بووەتە هۆکاری رەخساندنی (20)هەزار هەلی کاری راستەوخۆ و ناڕاستەوخۆ.

 پڕۆژەی پەرەپێدانی کێڵگەی کۆرمۆر، کە بڕیارە ئاستی بەرهەمهێنانی بەڕێژەی (50٪) بەرزبکاتەوە، پێشکەوتنی بەرچاوی بەخۆیەوە بینیوەو، پێشبینی دەکەن لە چارەکی یەکەمی ساڵی داهاتودا تەواو بکرێت.

ک