زایەڵە - بەغدا و ئەنقەرە ڕێککەوتنێکی لەبارەی سەرچاوەی ئاو ئیمزا دەکەن و مافی ئاو بۆ دە ساڵی داهاتوو بۆ عیراق مسۆگەر دەکات و وه‌زاره‌تی سه‌رچاوه‌كانی ئاوی عێراقیش ڕایدەگەیەنێت،ڕێككه‌وتنی چوارچێوه‌ی نێوان عێراق و توركیا بۆ ماوه‌ی 10 ساڵ مافی ئاوی عێراق مسۆگه‌ر دەکات و هه‌ڵمه‌تی لابردنی ده‌ستدرێژییه‌كان بۆسه‌ر روبار و ده‌ریاچه‌كان 80 مه‌تر سێجا له چركه‌یه‌كدا ئاو پاشه‌كه‌وت ده‌كات.
خالد شه‌ماڵ وته‌بێژی وه‌زاره‌تی سه‌رچاوه‌كانی ئاوی عێراق دەڵێت،دۆخی ئاو له عێراق سه‌قامگیره، ئه‌مه‌ش به‌هۆی ڕێكاره‌كانی وه‌زاره‌ته‌وه كه به‌شداربون له به‌هێزكردنی توانای به‌ڕێوه‌بردنی ئاو، هه‌روه‌ها هه‌ڵمه‌تی نیشتمانی گشتگیر بۆ لابردنی پێشێلكارییه‌كان جێبه‌جێكراوه، به‌وه‌ش نزیكه‌ی 80 مه‌تر سێجا ئاوی له چركه‌یه‌كدا دابین دەکات.
بەپێی ئەو زانیارییانەی وەزارەتی سەرچاوەکانی ئاوی عێراق لە راگەیەنراوێکی رۆژنامەنوسیدا ئاشکرایکردووە، رێککەوتنەکە سێ تەوەری سه‌ره‌كی له‌خۆده‌گرێت، له‌وانه به‌ڕێوه‌بردنی هاوبه‌شی حه‌وزی دیجله-فورات، ئاڵوگۆڕی زانیاری و داتابه‌یس بۆ به‌ڕێوه‌بردنی پڕۆژه‌كانی ئاودێری، وه‌به‌رهێنان له‌لایه‌ن كۆمپانیا توركییه‌كانه‌وه به هه‌ماهه‌نگی له‌گه‌ڵ ده‌سه‌ڵاتدارانی عێراق، هه‌روه‌ها دانوستان له‌گه‌ڵ لایه‌نی توركیا به‌پێی ڕێككه‌وتنی چوارچێوه بەردەوام دەبێت.
ک