زایەڵە - بەڕێوەبەرایەتیی پاسپۆرتی سلێمانی لەبارەی نۆرەگرتنی ئەلیكترۆنی هاوڵاتییان ئاگاداردەكاتەوە و دەڵێت، "ئەو هاوڵاتییانەی نۆرەی ئەلیكترۆنی ناگرن، بڕی 100 هەزاری زیاتریان لێوەردەگیرێت".
دەشڵێت، “تێچووی مامەڵەكان بڕی 91 هەزار دینارە، بەڵام ئەو هاوڵاتییانەی نۆرەی ئەلیكترۆنی ناگرن، بڕی 191 هەزار دیناریان لێوەردەگیرێت وەك رسوومات".
ئاماژەی بۆ ئەوەش كردووە، پێویستە هاوڵاتییان لە كاتی دیاریكراوی خۆیاندا كە بە نامەی ئەلیكترۆنی بۆیان نێردراوە، سەردانی بەڕێوەبەرایەتیی پاسپۆرت بكەن.
ئەوەشی خستەڕوو، بۆ جێبەجێكردنی مامەڵەكان تەنها كار بە كارتی نیشتمانی دەكرێت، هەروەها ئەو هاوڵاتییانەی دەیانەوێت نۆرەی ئەلیكترۆنی بۆ وەرگرتنی پاسپۆرت بگرن، دەتوانن لە رێگای QR كۆدی تایبەت بە پێگەی رەسمیی پاسپۆرتەوە نۆرەكانیان وەربگرن.
ک