زایەڵە - یەكێتی نیشتمانی كوردستان مەرجی بۆ دانانی وەزیرەكانی لە كابینەی نوێی حكومەتی هەرێم ئەوەیە، خزمەتی خەڵك بكەن.
زیاد جەبار، ئەندامی سەركردایەتی و بەرپرسی مەڵبەندی سلێمانی یەكێتی نیشتمانی كوردستان بەزایەڵەی راگەیاند، ئێستا خەریكی دانوستانن بۆ پێكهێنانی كابینەی نوێی حكومەتی هەرێم، ئەوەی بەركەوتەی یەكێتی بێت وەریدەگرن.
ناوبراو روونیكردەوە، گفتوگۆكان لەسەر شێوازی حوكمڕانی هەرێم زۆر باش چۆتە پێشەوە، ئەوان پێشتر تێبینیان لەسەر چۆنیەتی حوكمڕانی هەبووە، بۆیە ئەو رێككەوتنەی لەگەڵ پارتی كردوویانە لەم خاڵەدا زۆر باش چۆتە پێشەوە.
سەبارەت بەوەی مەرجیان چییە بۆ دانانی وەزیرەكانیان، زیاد جەبار دەڵێت، تائێستا نازانن چ وەزارەتێك وەردەگرن، بەڵام مەرجیان ئەوەیە وەزیرەكانیان خزمەتی خەڵك بكەن و حكومەتی خەڵك بێت.
ک