زایەڵە - لەوتووێژی لەگەڵ پەیامنێری زایەڵە جەمال کۆچەر، ئەندامی لیژنەی دارایی لە پەرلەمانی عێراق ڕایگەیاند، سەرلەنوێ چاوخشاندنەوە بە خشتەی بودجەی ساڵی 2025 کردەوە ئەگەر نرخی نەوت بەردەوام بێت لە دابەزین بۆ خوار 70 دۆلار بۆ هەر بەرمیلێک.
وتیشی، نرخی نەوت پەیوەستە بەو نرخەی کە لە بودجەدا خەمڵێندراوە، ئەگەر نرخی هەر بەرمیلێک لە 70 دۆلاردا بێت، ئەوا دەتوانرێت نرخەکانی ئێستا بپارێزرێت".
ئاماژەی بەوەشکرد، بڕیاری کۆتایی لەسەر بنەمای خەمڵاندنی دارایی نرخی نەوت دەبێت بەدرێژایی ساڵ، ئەگەری هەیە نرخەکە لەو ئاستەدا بمێنێتەوە، ئەگەر توێژینەوەکان ئاماژە بەوە بکەن کە نرخی نەوت بەرزبێتەوە بۆ سەروی 70 دۆلار. بەڵام ئەگەر نرخەکە بۆ خوار ئەو ئاستە دابەزێت، پێویستە حکومەت پێداچونەوە بە خشتە داراییەکانی بکاتەوە.
جەمال کۆچەر باسی لەوەشكرد، کورتهێنانێکی ڕاستەقینە لە بودجەی ساڵانی ڕابردودا هەیە، واتە 2023 و 2024، ئەوەش پێویستی بە مامەڵەکردنی ورد هەیە لەگەڵ هەڵاوسانی نرخی نەوت و کاریگەرییەکانی لەسەر ئابوری نیشتمانی.
ک