سەنتەرێکی ڕاهێنانی پیشەیی لە هەڵەبجە  کرایەوە و بڕیارە لە ڕێگەی خولە پیشەیەکانەوە ڕاهێنان بە گەنجان بکرێت و فێری پیشەی جیاواز بکرێن.
بەپێی ڕاپۆرتی زایەڵە، بە ئامادەبوونی  ئازاد تۆفیق پارێزگاری هەڵەبجە و  کوێستان محەمەد  وەزیری کار و کاروباری کۆمەڵایەتی حکومەتی هەرێمی کوردستان و یانس سنایسەر بەڕێوبەڕی پڕۆژەکانی لە  BFZ و ژمارەیەک لە بەڕێوبەرانی گشتی وەزارەت و بەڕێوبەرەگشتی و ئیداریەکانی هەڵەبجە، سەنتەری ڕاهێنانی پیشەیی بۆ دەستبەرکردنی کار بۆ گەنجان لە پارێزگای هەڵەبجە بە پشتیوانی ڕێکخراوی بی ئێف زێدی ئەڵمانی کرایەوە  و بڕیارە لە ڕێگەی خولە پیشەیەکانەوە ڕاهێنان بە گەنجان بکرێت و فێری پیشەی جیاواز بکرێن.
ئازاد تۆفیق  پارێزگاری هەڵەبجە لەووتەیەکدائاماژەی بەگرنگی کردنەوەی سەنتەرەکە کرد و ڕایگەیاند گەنجان دەتوانن لە ڕێگەی سەنتەرەکەوە بیرۆکەکانیان گەشە پێبدەن و فێری کاری نوێ ببن.
لای خۆشیەوە کوێستان محەمەد وەزیری کارو کاروباری کۆمەڵایەتی ئاماژەی بەوەکرد پشتیوانی سەنتەرەکە دەبن و سەرجەم بڕوانامەکانی سەنتەرەکە نێودەوڵەتین و لەناوەوە و دەرەوەی هەرێم و عێراق باوڕپێکراون .
بەڕێز یانس سنایسەر بەڕێوبەری پڕۆژەکە لە ڕێکخراوی BFZڕایگەیاند دۆخی ئابوری گەنجان شارەزاین و دەمانەوێت لە ڕێگەی ئەم سەنتەرانەوە بەر بەکۆچ بۆ دەرەوە بگرین و شەش ساڵە کار بۆ ڕێکخستنەوەی سیستەمی کاری  پیشەیی دەکەین لە کوردستان .
کامەران کەریم