کورتە فیلمی پەڵە لە دەرهێنانی شۆڕش وەکیلی لە درێژەی سەرکەوتنە نێودەوڵەتیەکانیدا لە فێستیڤاڵی  Ignite film festival وڵاتی بەریتانیادا خەڵاتی بە دەست هێنا.

بەپێی ڕاپۆرتی زایەڵە، کورتە فیلمی پەڵە لە دەرهێنانی شۆڕش وەکیلی لە بابەتی مافی مرۆڤ و ئاشتی بە بەشداری ئەنجومەنی سینەمای لاوانی ئێران لە شاری سنە فیلم هەڵگریەکەی ئەنجام دراوە.

ئەم دەرهێنەرە کوردە لە فێستیڤاڵی  Ignite film festival بەریتانیادا توانی لەگەڵ ٦۲ فیلم لە وڵاتانیتر بکەوێتە کێبڕکێ و خەڵات بەدەست بهێنێت.

فیلمی پەڵە پێشتر توانیویەتی ۱۲ خەڵاتی نێو دەوڵەتی لە فێستیڤاڵە جیهانیەکان بە دەس بهێنێت. ئەم فیلمە چیرۆکی پیرە پیاوێکی  خاوێن ڕاگری سینەمایە کە لە کاتی خاوێن کردنەوەدا پەڵەیەک لە سەر پەردەی سینەماکە سەرنجی ڕادەکێشێ.

ئەم فیلمە لە ڕێبازی ڕێئالیسمی جادویی و سوورڕێئاڵ دایە و دەرهێنەر هەوڵ دەدا کاریگەریەکانی شەڕ و توندوتیژی پیشان بدات.

شۆڕش وەکیلی دەرهێنەری کوردستانی لە دێسامبەری ساڵی ۲۰۲۱دا وەک ناوبژیوانێکی نێو دەوڵەتی لە فێستیڤاڵی بەریتانیادا ئامادە دەبێت.