دەزگای لوتكە بۆ كاروباری ئاوارەو پەنابەران رایگەیاند، گەڕانەوەی تەرمی قوربانیانی نۆكەندی ئینگلیز كە بڕیاربو بەرەبەیانی ئەمڕۆ شەممە، بگەنەوە فڕۆكەخانەی هەولێر بۆ جاری دوەم دواكەوت.
بەپێی ڕاپۆرتی زایەڵە، دەزگای لوتكە بۆ كاروباری ئاوارەو پەنابەران، لە راگەیەندراوێكدا وتویەتی، نوێنەرانی دەزگای لوتکە و کەسوکاری قوربا‌نیەکان لە فڕۆکەخەنەی هەولێر لە چاوەڕوانی وەرگرتنەوەی تەرمی ئەو کۆچبەرانەدا بون کە وابڕیار بو بەرەبەیانی ئەمڕۆ 2021/12/25 بگەڕێنەوە فڕۆکەخانەی هەولێر.
وتوشیەتی، بۆ جاری دوەم و بەهۆی بونی تەمومژ گەشتی ئەو فڕۆکەیەی تورکیش ئیرلاین دواخرا بۆ 20 کاتژمێری داهاتو.
